Lulesamiska / Julevsámegiella

MTM:an dahkap ja loaddnup girjijt dunji gänna l vájvve låhkåt prienntidum tevstav sáhtusvuoda diehti. Buojkulvis dási máhttá årrot:

• låhkåm- ja tjállemsáhtusvuoda
• tjalmedibme
• ietjá fysalasj sáhtusvuoda, bv. sáhtusvuohta ja bielljevahák
• intellektalasj sáhtusvuohta
• neuropsykiatralasj sáhtusvuoda, nåv gåk autissma, adhd
• ájnibåddåsasj sáhtusvuohta dávda jali vahága diehti.

Moattes gejn la dárogiella nubbegiellan sihti hållagirjijt dárogiellaj ja ietjá gielajda låhkåt. Ulmutja val gejn la vájvve låhkåt prienntidum tevstav sáhtusvuoda diehti oadtju hållagirjijt loaddnut.

Ma li hållagirje?

Hållagirje dagáduvvi tjuolldasa milta Tjálosäjggolágan. Sisilågådum li sierraláhkáj dunji gänna l vájvve låhkåt prienntidum tevstav danen gå dujna la sáhtusvuohta. Mijá hållagirjijs muhtema sisanedi goappátjagá hålav ja tevstav. Daj girjijn vuojná tevstav ja gåvåjt datåvrå jali mobijla sjerman sämmibále gå gulldala.

Loaddnut hållagirjijt

Gájkka girjjevuorká Svierigin loaddnuji hållagirjijt. Loaddnu girjijt cd-skieron, usb-mujton jali mujttokårtån. Dån i dárbaha duodastusáv ájnat la nuoges giehto dån hållagirjijt dárbaha. Agev la mávsok loaddnut. Gatjáda barggijs, mielas duv viehkedi.

Viedtjat hållagirjijt

Máhtá aj girjijt viedtjat njuolgga mijá digitála katalogas Legimus. Duv girjjevuorkká duv viehket addnenamáv ja bessambágov oadtjot ja vuosedi dunji gåktu dagá.

Låhkåt hållagirjijt

Máhtá hållagirjijt låhkåt moatteláhkáj: sierralágásj hållågirjjetjuojanisájn, datåvrån, mobijlan jali surffimduolbbadisán.

Lågåtjit mobijlan jali surffimduolbbadisán de ane mijá áppav, mij gåhtjoduvvá Legimus. Loggi sisi áppaj kontujn mav la girjjevuorkán oadtjum.

Tjuokkestjálosgirje

Loaddnup aj tjuokkestjálosgirjijt moatte giellaj. Aktavuodav válde mijájn sjattatjit tjuokkestjálosloaddnujiddjen.

Makkir girje gávnnuji luoddnut?

Legimus:an vuojná makkir hållagirje ja tjuokkestjálosgirje gávnnuji loaddnut. Dánna gávna aj girjijt ietjá stuorrudagájs. Viehkedip aj duv loaddnut girjijt ietjá rijkajs.

Legimus gávnnu www.legimus.se

Texten på lulesamiska (pdf)