Romani / kelderash
Ko MTM amen producirinaja hem uzajminaja/pozajminaja ljila tuke so isi tut pharipa te čitine (drabare) pečatime tekstija odoleske so isi tut funkciniribaskoro tiknjaribe. Odova šaj te ovel ko primer:
• Čitibaskere hem pišibaskere (hramojbaskere) pharipa Dikhibaskoro tiknjaribe
• javera fizikane funkciniribaskere tiknjaribe, ko primer dvižibaskere hem šunibaskere pharipa
• intelektualikane funkciniribaskere tiknjaribe
• nervnopsihotikane funkciniribaskere tiknjaribe sar soj o autizam, ADHD .
• Momentalno funkciniribaskoro tiknjaribe taro disavo nasvalipe ja pale khuvdipe .
But džene kaske soj i švedikani čhib sar dujto čhib mangena te čitinen vakerutne ljila ki švedikani čhib hem ko javera čhibja. Ama samo okola manuša so isi olen pharipa te čitinen pečatimo teksti odoleske isi olen funkciniribaskoro tiknjaribe, šaj te uzajminen/pozajminen vakerutne ljila .
Soj odova vakerutne ljila ?
O vakerutne ljila producirinena pe palo Zakoni bašo kopiribaskoro pravo. Ola i snimime specijalno tuke so isi tut pharipe te čitine pečatirimo teksti odoleske so isi tut funkciniribaskoro tiknjaribe. Jek kotor amare vakerutne lilendar isi olen hem vakeribe hem teksti. Ko odola ljila šaj te dikhe teksti hem slike ko kompjutereskoro ja pale mobilno telefoneskoro ekrani hem te šune .
Te uzajminel/pozajminel pe vakerutne ljila
Sa o biblioteke ki švedija uzajminena/pozajminena vakerutne ljila. Tu šaj te pozajmine/uzajmine o ljila ki cd-ploča, usb čhivin ja pale ki mini karta. Tuke na trebela potvrda, dovolno i so tu ka vakere kaj trebena tuke vakerutne ljila. Te pozajminen/uzajminen pe odova i bilovengoro. Puč e pesonale ola ka pomožinen tut sa vilea .
Te huljaren pe o vakerutne ljila
Tu šaj te huljare akala ljila direktno amare digitalno katalogestar Legimus. Tli biblioteka ka pomožinel tut te del pe tuke jek andrekhujbaskoroanav hem garavdolafi hem ka sikavel tuke sar kerela pe .
Te čitinen pe o vakerutne ljila
Tu šaj te čitine o vakerutne ljila ko razna načinija: jekhe specijalno vakerutne lileskere aparatea, kompjuterea, mobilno telefonea ja pale surfibaskere tabletaja .
Kaj te šaj te čitine mobilno telefoneja ja pale surfibaskere tabletaja tegani koristinela pe amaro App anavea Legimus. Ov i bilovengoro. Tu šaj logineja ko app jekhe kontoja so phravela pe ki biblioteka .
Najengere ljila
Amen uzajminaja/pozajminaja hem najengere ljila ko buteder čhibja. Kontaktirin amen te šaj te uzajmine/pozajmine najengere ljila.
Save ljila isi bašo uzajmibe/pozajmibe ?
Ko Legimus šaj te dikhe save vakerutne ljila hem save najengere ljila isi bašo uzajmibe/pozajmibe. Akate šaj arakhea ljila hem ko javera forme. Amen šaj pomožinaja tut hem te pozajmine/uzajmine ljila taro javera phuvja .
Legimus šaj dikhela pe ko www.legimus.se
