Nordsamiska / Davvisámegiella
MTM:as mii buvttadit ja lonet girjjiid dutnje geas lea váttisvuohta lohkat prentejuvvon deavsttaid, daningo dus lea doaibmahehttejupmi. Ovdamearkka dihte dát:
- lohkan- ja čállinváttisvuođat
• heajos oaidnu
• eará fysalaš doaibmahehttejupmi, ovdamearkka dihte lihkadanváddu ja gullanváddu
• intellektuála doaibmahehttejupmi
• nevropsyhkalaš doaibmahehttejumit dego autisma, adhd.
• gaskaboddosaš doaibmahehttejupmi skibasvuođa dehe vahága dihte.
Máŋggat olbmot geain lea ruoŧagiella nubbingiellan háliidit lohkat jietnagirjjiid ruoŧagillii ja eará gillii. Muhto beare dat olbmot geain lea váttis lohkat prentejuvvon deavstta doaibmahehttejumi dihte geat ožžot luoikat jietnagirjjiid.
Mat leat jietnagirjjit?
Jietnagirjjit buvttaduvvo spiehkastahkan Dahkkirievttelágas. Dat leat lohkkojuvvon erenomážit dutnje geas lea váttis lohkat prentejuvvon deavstta daningo dus lea doaibmahehttejupmi. Oassi min jietnagirjjiin siskkilda sihke jiena ja deavstta. Dain girjjiin don beasat oaidnit deavstta ja govaid dihtora dehe mobiilla šearpmas seamme áigge go guldalat.
Jietnagirjjiid luoikan
Buot girjerádjosat Ruoŧas luiket jietnagirjjiid. Don luoikkat girjjiid cd-skearrun, usb-muitun dehe muitokoartan. Don it dárbbat duođaštusa muhto rehkke go muitalat dárbbahit jietnagirjjiid. Dat leat álot nuvttá. Jeara bargoveagas, sii veahkehit du mielainis.
Jietnagirjjiid ládden
Don sáhtát láddet girjjiid njuolga min digi katalogas Legimus. Du girjerájus veahkeha du oažžut geavtinnama ja čoavddasáni ja čájeha mot dagat.
Jietnagirjjiid lohkan
Don sáhtát lohkat jietnagirjjiid máŋgga ládje erenomáš jietnagirjespelliin, dihtoris, mobiilatelefovnnas dehe surfepláhtain.
Mobiilatelefovnnain dehe surfapláhtain lohkamis geavttát min appe, man namma lea Legimus. Dat lea nuvttá. Don čálát sisa dainna kontoin man leat ožžon girjerádjosis.
Čuokkesčálusgirjjit
Mii luoikat maid čuokkesčálusgirjjiid máŋgga gillii. Váldde aktavuođa minguin vai šattat čuokkesčálusluoikin.
Mat girjjit leat luoikamis?
Legimusas beasat oaidnit mat jietnagirjjit ja čuokkesčálusgirjjit leat luoikamis. Dáppe gávnnat maid eará hámat girjjiid. Mii sáhttit maid veahkehit du luoikat girjjiid eará riikkain.
Legimus lea på www.legimus.se
